माडग्याळ मोरबगी लवंगा (ता. जत) येथे मंगळवारी साधूंना झालेल्या मारहाणीची राज्य सरकारने गंभीर दखल घेतली गेली आहे. साधूं ना मारहाण प्रकरणाची चौकशी करण्यासाठी पोलीस महासंचालकांचे पथक दाखल झाले असून, पोलीस अधीक्षक दीक्षित गेडाम ह दिवसभर गावात थांबून घटनेची सखोल(साधूं )माहिती घेत होते.
याप्रकरणी सरपंच पुत्रासह २५ जणांवर गुन्हा दाखल करण्यात आला आहे आणि सात जणांना अटक देखील केली आहे. सरपंच पुत्र आमसिध्दा तुकाराम जखमी केले तसेच सरगर, लहू रकमी लोखंडे, नागराज पवार, सागर शिवाजी तांबे, रमेश सुरेश कोळी, सचिन बसगोंडा बिराजदार व शिवाजी सिधराम सरगर अशी अटक केलेल्या संशयितांची नावे आहेत.
मथुरा येथील पंचदशनाम जुना आखाड्याचे महामंडलेश्वर श्री गर्वगिरी महाराज व त्यांचे शिष्य मोटारीने कर्नाटकातील तीर्थक्षेत्र आटोपून विजापूरहून पंढरपूरकडे येत होते. यावेळी मोरबगी लवंगी रस्त्यावर एका मुलाला त्यांनी रस्ता विचारला असता मुलाने आरडाओरडा केल्याने ग्रामस्थांनी घटनास्थळी धाव घेतली होती.
संबंधित साधू हे मुले पळवणारी टोळी असल्याचा संशय गावकर्यांना आल्याने ग्रामस्थांनी साधूंना बेल्ट, काठी, चप्पलने बेदम मारहाण करून गंभीर जखमी केले. काही ग्रामस्थांनी मारहाण करणाऱ्यांना रोखत पोलिसांना तातडीने माहिती दिली. मारहाणप्रकरणी साधूंनी तक्रार देण्यास नकार दिला आहे. गृहमंत्री तथा उपमुख्यमंत्री देवेंद्र फडणवीस यांनी या प्रकरणाबाबत चौकशीचे आदेश दिले गेले आहेत.