Monsoon Update : महाराष्ट्रावरील हवेच्या दाबात वाढ होत असून, उत्तरेकडील व दक्षिणेकडील भागावर १००६ ते १००८ हेप्टापास्कल इतका हवेचा दाब वाढणार आहे. जेव्हा तापमानात घट (Temperature) होते, तेव्हा हवेचे दाब (Air Pressure) वाढत असतात. हवेचे दाब वाढल्यामुळे वारे अधिक प्रमाणात बाष्प वाहून आणू शकत नाहीत आणि त्यामुळे पावसाच्या प्रमाण कमी होते. नैर्ऋत्य मॉन्सूनची (Monsoon) वाटचाल अस्ताकडे राहील तसेच त्यानंतर राजस्थानमध्ये हवेचे दाब वाढतील तेव्हा तेथील पावसाचे प्रमाण कमी होऊन पाऊस पूर्णपणे थांबला जाईल. (Monsoon Update) त्यानंतर ईशान्य मॉन्सून किंवा परतीचा मॉन्सून (Monsoon Return Journey) सुरू होणार आहे.
यापुढील काळात हवामानविषयक( Monsoon Update) घडामोडी अतिशय वेगाने घडतील आणि या सर्व घडामोडी तापमान व हवेच्या दाबात होणारे बदल यावर अवलंबून राहणार आहेत. या आठवड्याच्या सुरुवातीच्या काळात वाऱ्याची दिशा नैर्ऋत्येकडूनच राहील आणि हवामान घटकांमध्ये होणाऱ्या बदलानुसार त्यानंतर वाऱ्याची दिशा ईशान्येकडून होईल. त्या वेळी महाराष्ट्राच्या पूर्व भागात ईशान्य मॉन्सूनचा पावसास सुरुवात होईल तसेच अचानक पाऊस तर मध्येच उघडीप अशी स्थिती १ ऑक्टोबरपासून पाहायला मिळेल.
कोकण ः
सिंधुदुर्ग व रत्नागिरी जिल्ह्यांत आज (ता. २५) ५ ते १० मि.मी. व उद्या (ता. २६) १२ ते २२ मि.मी. पावसाची शक्यता वर्तविली आहे. ठाणे, पालघर, रायगड जिल्ह्यांत आज (ता. २५) १८ ते ३३ मि.मी. आणि उद्या (ता. २६) १० ते २७ मि.मी. पावसाची शक्यता आहे आणि वाऱ्याची दिशा नैर्ऋत्येकडून आणि ताशी वेग ४ ते ८ किमी राहील. कमाल तापमान सिंधुदुर्ग व रत्नागिरी जिल्ह्यांत ३१ अंश सेल्सिअस, तर रायगड, ठाणे व पालघर जिल्ह्यांत ३० अंश सेल्सिअस राहणार आहे. किमान तापमान ठाणे व पालघर जिल्ह्यांत २५ अंश सेल्सिअस, तर सिंधुदुर्ग, रत्नागिरी व रायगड जिल्ह्यांत २३ अंश सेल्सिअस राहील आणि आकाश अंशतः ढगाळ राहील. (Monsoon Update)सकाळची सापेक्ष आर्द्रता ९३ ते ९५ टक्के, तर दुपारची ७५ टक्के राहील.
उत्तर महाराष्ट्र ः
नाशिक, धुळे, नंदूरबार व जळगाव जिल्ह्यांत आज (ता. २५) ५ ते ११ मि.मी., तर उद्या (ता. २६) ८ ते १५ मि.मी. पावसाची शक्यता वर्तविली आहे. वाऱ्याची दिशा नैर्ऋत्येकडून आणि ताशी वेग ८ ते ११ किमी राहील आणि सर्वच जिल्ह्यांत कमाल तापमान ३० अंश सेल्सिअस, तर किमान तापमान २२ अंश सेल्सिअस राहील. आकाश अंशतः ढगाळ राहील तसेच सकाळची सापेक्ष आर्द्रता ९२ ते ९५ टक्के, तर(Monsoon Update) दुपारची सापेक्ष आर्द्रता ७३ ते ८२ टक्के राहील.
मराठवाडा ः
उस्मानाबाद, लातूर, नांदेड, बीड, परभणी, हिंगोली, जालना, औरंगाबाद जिल्ह्यांत आज (ता. २५) ४ ते ६ मि.मी., तर उद्या (ता. २६) ७ ते १५ मि.मी. पावसाची शक्यता वर्तविली आहे. वाऱ्याची दिशा नैर्ऋत्येकडून राहील आणि वाऱ्याचा ताशी वेग ९ ते १२ कि.मी. राहील. सर्वच जिल्ह्यांत कमाल तापमान ३२ अंश सेल्सिअस राहील तसेच मात्र औरंगाबाद जिल्ह्यात तापमानात वाढ होणे शक्य आहे. किमान तापमान सर्वच जिल्ह्यांत २२ ते २३ अंश सेल्सिअस राहानार आहे. आकाश अंशतः ढगाळ राहील आणि सकाळची सापेक्ष आर्द्रता ८८ ते ९४ टक्के राहील. दुपारची सापेक्ष आर्द्रता उस्मानाबाद, लातूर, बीड, परभणी व औरंगाबाद जिल्ह्यांत ५१ ते ६० टक्के इतकी कमी राहील. म्हणजेच सूर्यप्रकाश अधिक राहील आणि मात्र हिंगोली, जालना व नांदेड जिल्ह्यांत(Monsoon Update) दुपारची सापेक्ष आर्द्रता ७० ते ७५ टक्के राहील.
पश्चिम विदर्भ ः
आज (ता.२५) बुलडाणा व वाशीम जिल्ह्यांत ५ ते ७ मि.मी., तर अकोला व अमरावती जिल्ह्यांत ११ ते १८ मि.मी. पावसाची शक्यता वर्तविली आहे. उद्या (ता.२६) सर्वच जिल्ह्यांत ११ ते २० मि.मी. पावसाची शक्यता आहे आणि वाऱ्याची दिशा नैर्ऋत्येकडून आणि ताशी वेग १२ ते १३ किमी राहील. कमाल तापमान अकोला व अमरावती जिल्ह्यांत ३० अंश सेल्सिअस, तर बुलडाणा व वाशीम जिल्ह्यांत ३१ अंश सेल्सिअस राहील आणि किमान तापमान २२ अंश सेल्सिअस राहील. आकाश अंशतः ढगाळ राहील तसेच सकाळची सापेक्ष आर्द्रता ९५ टक्के, तर दुपारची ८१ ते ८२ टक्के राहील.
मध्य विदर्भ ः
आज (ता.२५) यवतमाळ, वर्धा व नागपूर जिल्ह्यांत ६ ते ८ मि.मी., तर उद्या (ता.२६) १४ ते १७ मि.मी. पावसाची शक्यता वर्तविली आहे. वाऱ्याची दिशा नैर्ऋत्येकडून आणि ताशी वेग १२ ते १३ किमी राहील आणि कमाल तापमान यवतमाळ जिल्ह्यात ३१ अंश सेल्सिअस, तर वर्धा व नागपूर जिल्ह्यांत २९ अंश सेल्सिअस राहील. किमान तापमान २३ अंश सेल्सिअस राहील तसेच आकाश अंशतः ढगाळ राहील.
पूर्व विदर्भ ः
चंद्रपूर, गडचिरोली, भंडारा व गोंदिया जिल्ह्यांत आज व उद्या (ता.२५ व २६) ५ ते ७ मिमी पावसाची शक्यता वर्तविली आहे. वाऱ्याची दिशा नैर्ऋत्येकडून आणि ताशी वेग ५ ते ८ कि.मी. राहील. कमाल तापमान चंद्रपूर व गडचिरोली जिल्ह्यांत ३१ अंश सेल्सिअस, तर भंडारा व गोंदिया जिल्ह्यांत २९ अंश सेल्सिअस राहणार आहे. किमान तापमान चंद्रपूर जिल्ह्यात २४ अंश सेल्सिअस, गडचिरोली व भंडारा जिल्ह्यांत २३ अंश सेल्सिअस आणि गोंदिया जिल्ह्यात २२ अंश सेल्सिअस राहील आणि आकाश अंशतः ढगाळ राहील. सकाळची सापेक्ष आर्द्रता ९२ ते ९९ टक्के, तर दुपारची सापेक्ष आर्द्रता ७२ ते ८५ टक्के राहील.
दक्षिण-पश्चिम महाराष्ट्र ः
कोल्हापूर, सांगली, सातारा, सोलापूर, पुणे, नगर जिल्ह्यांत आज (ता.२५) ३ ते ५ मि.मी. पावसाची शक्यता वर्तविली आहे. उद्या (ता.२६) कोल्हापूर जिल्ह्यात ५ मि.मी., पुणे जिल्ह्यात १० मि.मी. व नगर जिल्ह्यात ११ मि.मी. पावसाची शक्यता आहे आणि वाऱ्याची दिशा नैर्ऋत्येकडून आणि ताशी वेग ८ ते १२ किमी राहील. कमाल तापमान कोल्हापूर व सातारा जिल्ह्यात ३१ अंश सेल्सिअस, तर सांगली, सोलापूर, पुणे, नगर जिल्ह्यांत ३२ अंश सेल्सिअस राहील आणि आकाश अंशतः ढगाळ राहील. व सकाळची सापेक्ष आर्द्रता ६० ते ६६ टक्के राहील.