मुलं चिडचिड आई-वडील हे मुलांसाठी सगळ्यात पहिले शिक्षक आहे. दिवसातील सर्वाधिक वेळ आई-वडीलांबरोबर घालवत असल्याने मुले त्यांच्याकडून अनेक गोष्टी शिकत असतात आणि मुलांना आकार देण्यात आई-वडीलांची भूमिका अतिशय महत्त्वाची आहे. पण आजकाल बदलत्या जीवनशैलीत आईवडीलांचा वेळ मिळणे, त्यांच्यासोबत संवाद साधणे मुलांसाठी तसे अवघडच झाले आहे. मुलांचे वय वाढते तशी त्यांची समज तर वाढतेच पण लहानसहान गोष्टीवरुन चिडचिड करणे, आई-वडीलांचे न ऐकणे अशा गोष्टींमध्येही वाढ होत असते आणि ऑफीसचे कामाचा ताण, घरातली जबाबदाऱ्या आणि इतर गोष्टी यांमुळे पालकांचीही मुलांवर चिडचिड ( Children are irritable ) होत असते. आपण सांगितलेले मुलांनी ऐकले नाही तर त्यांच्यावर आवाज चढवून बोलणे, प्रसंगी हात उचलणे अशा गोष्टी वारंवार घडतात. यामुळे मुले आणखीनच हट्टी होतात आणि परिस्थिती आणखी हाताबाहेर जात असते. एकदा या गोष्टी सुरू झाल्या की संपूर्ण घराचेच संतुलन बिघडत असते. पण मुलांनी आणि आपणही आनंदी राहावे असे वाटत असेल तर काही गोष्टींकडे पालक म्हणून आवर्जून लक्ष देण्याची आणि बदल करण्याची गरज आहे हे आपणास लक्षात घ्यायला हवे.
१. पर्सनल आणि प्रोफेशनल लाईफमध्ये संतुलन राखा
कोरोनामुळे गेल्या २ वर्षांपासून वर्क फ्रॉम होम ही संकल्पना उदयाला आली आहे आणि त्यामुळे घरातून काम करणाऱ्यांचा वैयक्तिक आयुष्यावर आणि प्रोफेशनल गोष्टींवरही परिणाम होत चालला आहे. मात्र जे ऑफीसला जातात त्यांनी ऑफीसच्या कामाच्या वेळी ऑफीस आणि घरात असताना १०० टक्के घर या गोष्टींची काळजी घ्यायला हवी आहे. दिवसातील जास्तीत जास्त वेळ दोघांपैकी एक पालक मुलासोबत राहील अशी कामाची आणि नोकरीची व्यवस्था केली पाहिजे.
२. आजी-आजोबांशी कनेक्ट हव
आपण आपल्या लहानपणी आजी-आजोबांच्या सानिध्यात वाढल्याने आपण नकळत अनेक चांगल्या गोष्टी शिकत असतो. त्याचप्रमाणे आपल्या मुलांना आजी-आजोबांचे जास्तीत जास्त प्रेम मिळेल अशी व्यवस्था करणे गरजेची आहे. त्यामुळे बऱ्याच गोष्टींत आपली काळजी कमी होण्याची शक्यता आहे आणि तसेच यामुळे मुलांचे आणि आपल्या पालकांचे नाते अधिक दृढ होण्यास मदत होऊ शकत आहे.
३. शक्य असल्यास घरात मदतनीस ठेवा
अनेकदा आपण सकाळी उठल्यापासून घरातील कामे करत असतो आणि यामुळे आपला जास्तीत जास्त वेळ स्वयंपाक करणे, साफसफाई करणे आणि इतर गोष्टींमध्ये जात असतो. त्यामुळे आपले मुलांकडे दुर्लक्ष होते किंवा त्यांना आवश्यक तितका वेळ आपण देऊ शकत नसतो. अशावेळी साफसफाई, स्वयंपाक यांसारख्या कामांना मदतनीस ठेवल्यास आपल्याला मुलांसोबत जास्त वेळ घालवता येऊ शकनार आहे.
४. मुलांसोबत क्लालिटी टाइम घालवा
आपण नोकरी करणे, इतर गोष्टी करणे हे सगळे ठिक असले तरी ज्यावेळी आपण घरात असतो, मुलांसोबत असतो त्यावेळी आपल्या मुलांसोबत क्वालिटी वेळ घालवणे अतिशय फायद्याचे असते. संध्याकाळी जेव्हा आपण कामावरुन घरी येतो आणि मुलांना भेटत असतो. तेव्हा त्यांचा दिवस कसा होता याविषयी त्यांना विचारा आणि त्यांनी दिवसभरात काय केले, तुम्ही काय केले याबाबत त्यांच्याशी चर्चा करत रहा . असे करणे त्यांच्या वाढीसाठी आणि तुमचे नाते बहरण्यासाठी निश्चितच फायदेशीर ठरत असते.
हे हि वाचा : वजन कमी करण्यासाठी सतत लिंबू पाणी पिण्याची सवयही तोट्याचीच
2 thoughts on “मुलं चिडचिड करतात, ऐकत नाहीत; त्यासाठी मुलं आनंदी राहावीत यासाठी करा या ४ गोष्टी 2022”