गोचीड जनावरांचे रक्त शोषतात आणि  तसेच त्यांच्या शरीरात विषारी द्रव सोडतात. यांच्यामार्फत अतिशय जीवघेण्या आजारांच्या जंतूंचा जनावरांच्या शरीरात प्रसार होत असतो. त्याचा परिणाम  जनावरांची उत्पादन क्षमता क्षीण होत जाते. हे लक्षात घेऊन एकात्मिक पद्धतीने गोचिड नियंत्रणाच्या उपाययोजना किली पाहिजे.

जनावरांतील गोचीड नियंत्रणासाठी काय उपाय करावेत?

जनावरांच्या शरीरावर आणि शरीरांतर्गत असे बरेच परोपजीवी (Parasite) सहज आढळून येत असतात. यामध्ये काही सूक्ष्म, अतिसूक्ष्म आणि काही आपल्या डोळ्यांनी दिसतील एवढे मोठे गोचीड असतात. काही सहा पायांचे कीटक वर्गीय पंख असलेले किंवा पंख विरहित, काही कृमी, अळी सारखे जंतवर्गीय तर काही एक पेशीय परोपजीवी आढळतात. हे परोपजीवी जनावरांना इजा पोचवून हैराण परेशान  करतात. वेगवेगळ्या रोगकारक जंतूंच्या जनावरांच्या शरीरापर्यंत प्रसार करत असतात. यापैकी महत्त्वाचा बाह्य परोपजीवी म्हणजेच कीटक वर्गीय ‘गोचीड’ होय.

गोचीड नष्ट करण्याचे जैविक उपाय

गोचिडीचा जीवनक्रम :

१) गोचिडीचे आयुष्य हे खूप  दोन ते तीन वर्षांचे असते. यामध्ये गोचीड विविध प्रकारच्या चार जीवअवस्थेमधून जात असते. मादी जनावरांच्या त्वचेवर रक्त शोषून वाढते आणि नराबरोबर समागम झाल्यावर खाली जमिनीवर पडून योग्य सुरक्षित ठिकाणी एकावेळी हजारो अंडी घालत असते. अंड्यामधून सहा पायाची अळीसदृश लारव्हा बाहेर पडत असतात. ही अळी जनावराच्या शरीरावर चिकटत असते. बरेच दिवस रक्त शोषून मोठी होते आणि परत जमिनीवर पडतात.

२) दोन आठवडे उलटल्यावर आठ पाय असलेल्या तिसऱ्या निम्फ अवस्थेमध्ये परावर्तित होत असते. या अवस्थेमध्ये परत जनावराच्या शोधात राहून त्वचेवर चिकटत असते.निम्फ अवस्थेमधून नंतर मोठ्या गोचीड अवस्थेमध्ये रुपांतरीत होत असते. भरपूर रक्त शोषून मोठे होऊन परत समागम होत असता. यानंतर नराचा मृत्यू होतो आणि  मादी अंडे दिल्यानंतर मरण पावते. अशाप्रकारे हे जीवन चक्र  हे सुरु राहते.

गोचिड प्रादुर्भावाची जनावरांतील लक्षणे ः

१) रक्तक्षय (अनेमिया):

– गोचीड जनावरांच्या कातडीवर चिकटून बसत असतात आणि आपली सोंड त्वचेत खुपसून जनावरांचे रक्त शोषतात. – दोन आठवड्यात एक गोचीड २ मिलि पेक्षा जास्त रक्त पित असतो. यामुळे जनावरांमध्ये रक्तक्षय होऊन अशक्तपणा येत असतो.

२) त्वचेची इजा:

– गोचिडांच्या प्रादुर्भावामुळे जनावरांच्या त्वचेमध्ये सूक्ष्म बारीक स्वरूपाच्या जखमा होतात.

– खाज सुटल्यामुळे जनावर टोकदार वस्तूवर अंग घासत असते. त्यामुळे जखमा होऊन कातडीचे बुरशीजन्य आणि जिवाणूजन्य त्वचारोग होतानी दिसतात आणि जखमा होऊन माशी बसल्यामुळे किडे पडतात.

३) पॅरालीसीस ः

– गोचीड रक्त शोषण्यापूर्वी त्वचेमध्ये सोंडेतील स्राव ओकून मग रक्त पित असतात आणि या स्त्रावामुळे विषबाधा तसेच प्रचंड खाज सुटते. विषबाधेमुळे काही जनावरांमध्ये ‘पॅरालीसीस’ झालेला आढळतो.

४) विविध आजार ः

– गोचिडांद्वारे जनावरांच्या शरीरात ओकलेल्या स्त्रावामध्ये काही अतिशय गंभीर आजार निर्माण करणारे एकपेशीय जिवाणू आणि रक्त-आदिजीव (हिमो-प्रोटोझोआ) रक्तामध्ये आढळत असतात. यामुळे रक्तातील पेशींना संसर्ग होऊन अतिशय गंभीर असे थायलेरीयासीस, बॅबेसीआसीस, एनाप्लासमोसिस, एह्र्रलीशियासीस, लाईम इत्यादी आजार होऊन जनावरे दगावत असतात. या आजारांचे प्रमाण सध्या आपल्या देशातील संकरित तसेच देशी जनावरांमध्ये देखील खूप मोठ्या प्रमाणात दिसत आहे.

५) ताण :

– गोचीड प्रादुर्भाव झालेले जनावर खंगू लागते आणि  त्यांची शारीरिक क्षमता आणि उत्पादकता कमी होत जात असते. दुर्लक्ष झाल्यास असे जनावर दगावू ( मुर्तुमुखी ) शकते.

– अधिक श्रम आणि ताण यामुळे प्रतिकारशक्ती कमी होऊन इतर विषाणूजन्य आणि जिवाणूजन्य संसर्गजन्य जीवघेणे आजार होत आहे.

हे हि वाचा :लाळ्या खुरकूत रोगाचे नियंत्रण 2022

 

गोचिड बाधेवर उपचार आणि नियंत्रण :

१) गोचीड जनावरांच्या अंगावर वाढतात, परंतु त्यांचा जीवनक्रम पाहिला तर त्यामध्ये काही काळ ते जनावराच्या शरीरापासून दूर सुरक्षित ठिकाणी जमीन किंवा भिंतीमध्ये लपून बसलेले वाढताना दिसतात. त्यामुळे नियंत्रण करण्याचा विचार केल्यास फक्त जनावरावर उपचार करून भागनार  नाही. सर्वंकष स्वरूपाची उपाय योजना करावी लागत आहे.

२) गोचिडाचा जीवनक्रम पाहिल्यास त्यांचा समूळ नायनाट करणे कदापि शक्य होत नाही. परंतु दक्ष राहून त्यांचा प्रादुर्भाव नियंत्रणात ठेवणे शक्य होत  आहे. सुदृढ जनावरांमध्ये गोचीड प्रादुर्भाव अशक्त जनावरांपेक्षा कमी दिसतात आणि त्यामुळे जनावरे निरोगी राहतील याकडे लक्ष द्यावे.

३) जनावरांचा आहार सकस आणि पूरक असला पाहिजे  त्वचेचे आरोग्य राखण्यासाठी दैनंदिन खरारा करणे, त्यांना धुवून काढणे आणि स्वच्छ ठेवणे अतिशय गरजेचे  आहे.

४) जनावरांना इतर आजार होऊन त्यांची प्रतिकारशक्ती कमी होऊ नये म्हणून सगळ्या आजारांचे प्रतिबंधात्मक लसीकरण करून घेतले पाहिजे. शरीरांतर्गत असलेल्या जंतांचे प्रतिबंधात्मक निर्मुलन वेळोवेळी करावे.

५) गोठ्यातील माती, साठलेले मलमूत्र, घाण, भिंतीतील छिद्र, गव्हाणीमध्ये दगड-विटा, मॅट इत्यादी खाली लपण्यास योग्य ठिकाणे असल्याने यामध्ये लपलेल्या गोचीड आणि त्यांची अंडी यांचे निर्मुलन करणे गरजेचे आहे.

६) चरायला जाणाऱ्या जनावरांच्या अंगावर गवतावरील गोचिडीचे लार्व्हा आणि निम्फ अवस्था चिकटून येतात आणि  त्यामुळे चरण्याच्या ठिकाणी आणि पाणवठ्यावर असणाऱ्या गोचिडांचा प्रादुर्भाव देखील नियंत्रित करणे क्रमप्राप्त  होत असते.

हे हि वाचा : पावसाळ्यात जनावरांच्या आजारांची लक्षणे 2022

 

जनावराच्या अंगावरील नियंत्रण

– नियंत्रणासाठी विविध रासायनिक गोचिड नाशके वापरली जात असतात. आता वनस्पतिजन्य अतिशय सुरक्षित गोचिडनाशके उपलब्ध आहेत आणि  यांचा पशूतज्ज्ञांच्या सल्याने वापर करावा.

– वेगवेळ्या कंपनीची वेगवेगळी गोचिडनाशके जनावरांच्या अंगावर लावण्यासाठी किंवा फवारण्यासाठी उपलब्ध होत आहेत. यांचे योग्य मात्रेतील द्रावण वापरत असतात. कमी जास्त प्रमाण वापरल्यास ते असुरक्षित किंवा निरुपयोगी सिद्ध होत असते. गोचिडनाशकांच्या वेष्टनावर ती कशी वापरायची याची आणि विषबाधा झाल्यास घेण्याची काळजी इत्यादी विषयी सखोल माहिती असते, त्याप्रमाणेच काळजीपूर्वक ही गोचिडनाशके जनावराच्या अंगावर फवारणे आवश्यक आहे.

– गोचिडनाशकांचा वापर करताना जनावरांचे तोंड, डोळे आणि नाक योग्य पद्धतीने झाकून घावे आणि  रबरी हातमोजे वापरणे बंधनकारक असते.

– पशुतज्ज्ञांच्या सल्ल्याने निलगिरी तेल, कडुलिंबाचे तेल, करंज तेल एकत्रित करून त्याचा फवारा जनावरांच्या अंगावर आणि परिसर सुरक्षेसाठी वापरता येत असतो.

– जनावराच्या त्वचेखाली आणि तोंडातून देण्यासाठी काही गोचिडनाशके पण  आहेत. पशू तज्ज्ञांच्याकडून यांचा वापर सल्ला घ्यावा.

जनावरांच्या सानिध्यातील वस्तू तसेच परिसरातून गोचिड निर्मुलन :

१. गोचिड प्रादुर्भाव झालेल्या गोठ्यातील शेण, मूत्र मिश्रित माती पूर्णपणे खरडून घ्यावी आणि  त्यानंतर चुना पावडर शिंपडावी.

२. गोठ्यातील जमिनीवर दिवसातील काही काळ ऊन पडेल आणि जमीन कोरडी होईल याचे उतम  नियोजन करावे.

३. जमिनीवरील दगड, विटा, मॅट इतर साहित्य उचलून त्याच्या खाली स्वच्छता करण्यात यावि आणि  गरम पाण्याने जमीन धुवून घ्यावी.

४. गोठ्यातील जमिनीवरील भेगा, खड्डे, छिद्र बुजवून वर नमूद केलेली रासायनिक आणि हर्बल गोचिडनाशकांचे द्रावण प्रभावी मात्रेमध्ये शिंपड असतात.

५. गोठ्याच्या भिंतीला, गव्हाणीला चुना लावत असतात आणि  भेगा, खड्डे, छिद्र बुजवावे. शक्य असल्यास भिंती आगीच्या बंदुकीने (फ्लेम गन) जाळून घ्याव्यात तसेच वर नमूद केलेली रासायनिक आणि हर्बल गोचिडनाशक द्रावण प्रभावी मात्रेमध्ये फवारले जावे.

६. नवीन जनावर कळपात आणण्या अगोदर काही दिवस वेगळे बांधावे आणि निरोगी सिद्ध झाल्यावर कळपात सोडावे.

७. नवीन जागेवर जनावर नेले असल्यास परत कळपात सोडण्याआधी गोचीड निर्मुलन करून सोडले जावे.

८. चरायला जाणाऱ्या जनावरांचा दररोज खरारा करून मगच गोठ्यात बंदिस्त करून घ्यावा.

९. चारा पिके, कुरण इत्यादीवर वनस्पतिजन्य गोचिडनाशकांची फवारणी करत असतात.

१०. गोठ्यामध्ये जैवासुरक्षा यंत्रणा राबवली पाहिजे.