काळी मुसळी मुसळीची काळी मुळे शक्तिवर्धक, वीर्यवर्धक, मूत्रल (लघवी साफ करणारी) व उत्तेजक असून वातविकार, पित्तविकार, आणि आमांश, संधिवात, उसण भरणे, कावीळ, मूळव्याध, दमा, कुत्र्याच्या चावण्याने (विषामुळे) आलेला जलद्वेष, रक्तस्त्राव इत्यादींवर उपयुक्त ठरत असतात. अतिसारावर ताकात मूळ उगाळून देतात आणि जखमेवर व कातडीच्या रोगांवर मुळांचे पोटीस बांधतात; तसेच खोडाचे चूर्ण कापलेल्या भागात भरल्यास जखम भरून येत असते .
हिच्या प्रजातीतील दुसरी जाती (कु. रिकर्व्हेटा) बागेत शोभेकरिता लावतात.
निसर्गतः ती नेपाळ ते बंगालपर्यंतच्या हिमालयी भागात आढळत असते. तिची पाने अधिक लांबरुंद असून पिवळ्या फुलांचा झुबका जमिनीजवळ लहान दांड्यावर येत असते. पानातील धागा काढून रानटी जमातीतील लोक त्याचे कृत्रिम केस बनवितात; तिची फळे खाद्य आहेत आणि भारतात या वनस्पतींच्या कुर्कलिगो या प्रजातीतील तीन जाती आढळतात. सफेद मुसळी हे नाव शतावरीच्या एका जातीला (ॲस्परॅगस ॲडसेन्डेन्स), तसेच कुलाई (क्लोरोफायटम ट्युबरोजम) या वनस्पतीला पण वापरलेले आढळत असते.
हे हि वाचा : वेखंड औषधी व सुगंधी 2022
हे हि वाचा : कदंब एक औषधी वनस्पती 2022
ही लहान ओषधी एक दलिकित (बीजात एकच दल असलेल्या) वर्गातील फुलझाडांपैकी असून फिलीपीन्स, जावा व भारत (आसाम, प. द्वीपकल्प, बंगाल इ.) येथे सामान्यपणे सर्वत्र आढळत असते. पावसाळ्याच्या सुरुवातीस हिची लहान रोपटी उगवत असतात आमो या बहुवर्षायू (अनेक वर्षे लागणाऱ्या) वनस्पतीचे मूलझोड, जाडजूड असते.
मुळे लांबट व मांसल असतात आणि पाने बिनदेठाची, साधी, लांबट व भाल्यासारखी, पातळ, चुणीदार व १५-४५ x २·५ सेंमी. असून त्यांचा जमिनीवर झुबका दिसत असतो. फुलोऱ्याचा दांडा, आखूड, सपाट व जाड आणि पानांच्या आवरक (वेढणाऱ्या) तळात लपलेला असून त्यावर फुलोरा, मे ते जूनमध्ये येत असतो. फुले लहान, सच्छद (तळाशी लहान उपांगे असलेली), पिवळी, फुलोऱ्याचा फक्त तळाजवळ द्विलींगी, इतरत्र सर्व पुल्लिंगी असतात आणि परिदले (फुलातील देठाजवळची पानासारखी सपाट दले) सहा व केसाळ आणि केसर दले (पुं-केसर) सहा व आखूड असतात. किंजपुट लहान, अधःस्थ आणि तीन कप्प्यांचा असून बीजके ६-८ असतात आणि परिदले व किंजपुट यांमध्ये लहान देठासारखा भाग असतो.
पुं-पुष्पात फक्त सहा केसरदले असतात आणि लहान चंचुयुक्त बोंड फळ (१३ मिमि. लांब) जमिनीलगत असून त्यात १-४, काळी, चकचकीत, आयत आणि खाचदर बीजे असतात. नवीन उत्पत्ती अपप्ररोह (तळाशी जमिनीवर आडवी वाढणारी आखूड फांदी) व बीजे यांच्यामुळे होत असते. ह्या वनस्पतीची इतर सामान्य लक्षणे ॲमारिलिडेसीत वा मुसली कुलात वर्णन केल्याप्रमाणे आहे.